पुतळा

पुनर्जन्म आहे हा माझा?
माझ्या कार्याचा सन्मान?
का मरणोत्तर शिक्षा म्हणून
मला असे चौकात उभे केले आहे?
काळातील कोणास या पुतळ्या चा वेदना?
उन, वारा, थंडी, पाऊस झेलत
सतत एकाच स्थितीत रहाणे
यालाच जन्मठेप म्हणतात?
माझा संपूर्ण कृष्णवर्ण काय
माझ्या आयुष्यातील कथित कलंक झाकण्यासाठी आहे?
हे मनातील वादळ दर्शवण्यासाठी सुद्धा
मला अधिकार नाही काय?
निदान अश्रु ढाळण्याची  मुभा तरी?
किती दिवस राहू मी
माणसांच्या गर्दीत असा एकटा? अनुत्तरीत ?
जगू दे इतिहासात मला माणूस म्हणून
पुतळा म्हणून नव्हे !!